ਚੜ੍ਹਦੀ ਕਲਾ ਬ੍ਰਦਰਹੁੱਡ ਦੇ ਸੇਵਾਦਾਰਾਂ ਨੇ ਸਰੀ ਸ਼ਹਿਰ ਵਿੱਚ ਸਫ਼ਾਈ ਮੁਹਿੰਮ ਵਿੱਢੀ !

ਸਰੀ –  ChardiKala Brotherhood Welfare Association ਦੇ ਸਮਰਪਿਤ ਸੇਵਾਦਾਰਾਂ ਨੇ ਸਥਾਨਕ Cloverdale Athletic Park ਵਿੱਚ ਸਫਾਈ ਮੁਹਿੰਮ ਚਲਾਈ ਅਤੇ ਪੂਰੇ ਪਾਰਕ ਨੂੰ ਸਾਫ਼ ਕੀਤਾ।

ਇਸ ਮੁਹਿੰਮ ਵਿੱਚ ਲਿੰਡਾ ਐਨਿਸ, ਕੌਂਸਲਰ, ਸਿਟੀ ਆਫ਼ ਸਰੀ ਅਤੇ ਗੈਰੀ ਥਿੰਦ, ਟਰੱਸਟੀ, ਸਰੀ ਸਕੂਲ ਬੋਰਡ ਨੇ ਵੀ ਭਾਗ ਲਿਆ ਅਤੇ ਆਪਣਾ ਯੋਗਦਾਨ ਪਾਇਆ।

ਸੰਸਥਾ ਦੇ ਫਾਊਂਡਿੰਗ ਡਾਇਰੈਕਟਰ ਜਸਵਿੰਦਰ ਸਿੰਘ ਦਿਲਾਵਰੀ ਨੇ ਦੱਸਿਆ ਕਿ ਅਗਲੇ ਦਿਨਾਂ ਵਿੱਚ ਖਿਡੌਨਾ ਦਾਨ ਮੁਹਿੰਮ, ਖੂਨ ਦਾਨ ਕੈਂਪ ਅਤੇ ਭੋਜਨ ਦਾਨ ਵਰਗੇ ਹੋਰ ਭਲਾਈ ਦੇ ਕੰਮ ਕੀਤੇ ਜਾਣਗੇ। ਉਨ੍ਹਾਂ ਸਾਰੀ ਕਮਿਊਨਟੀ ਨੂੰ ਇਸ ਵਿੱਚ ਭਾਗ ਲੈਣ ਅਤੇ ਸਹਿਯੋਗ ਕਰਨ ਦੀ ਅਪੀਲ ਕੀਤੀ। ਜਸਵਿੰਦਰ ਸਿੰਘ ਦਿਲਾਵਰੀ ਕੈਨੇਡਾ ਪ੍ਰਵਾਸ ਗਮਨ ਤੋ ਪਹਿਲਾਂ ਪੰਜਾਬ ਦੇ ਉੱਚ ਵਿੱਦਿਅਕ ਅਦਾਰਿਆਂ ਵਿੱਚ ਅਧਿਐਨ ‘ਤੇ ਅਧਿਆਪਨ ਨਾਲ ਜੁੜੇ ਰਹੇ ਹਨ ।

ਇਸ ਮੌਕੇ ਸਫਾਈ ਮੁਹਿੰਮ ਵਿੱਚ ਸ਼ਾਮਲ ਕੋਰ ਕਮੇਟੀ ਮੈਂਬਰਾਂ ਹਰਪ੍ਰੀਤ ਸਿੰਘ ਮੰਕਟਲਾ, ਲਖਵੀਰ ਸਿੰਘ ਗਰੇਵਾਲ ,  ਮਨਜੀਤ ਸਿੰਘ ਚੀਮਾ, ਬਲਜੀਤ ਸਿੰਘ ਰਾਏ ਸਮੇਤ ਸਥਾਨਕ ਵਾਸੀਆਂ  ਰਸਿੰਦਰ ਕੌਰ, ਵਿਕਰਮਜੀਤ ਸਿੰਘ, ਪਿਆਰਾ ਸਿੰਘ ਡਾਡਵਾਲ ਨੇ ਭਰਵਾਂ ਯੋਗਦਾਨ ਪਾਇਆ ।