ਸਰੀ – ਬੀਤੇ ਦਿਨ ਸਰੀ ਵਿਖੇ ਸਥਿਤ ਪ੍ਰਸਿੱਧ ਅਖਾੜਾ “ਕੈਨੇਡੀਅਨ ਮੱਲ ਅਖਾੜਾ” ਦੇ ਪ੍ਰਬੰਧਕਾਂ ਵੱਲੋਂ ਇੱਕ ਮੀਟਿੰਗ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿੱਚ ਸਰੀ ਸੈੰਟਰ ਤੋਂ ਉਮੀਦਵਾਰ ਰਾਜਵੀਰ ਢਿੱਲੋਂ ਅਤੇ ਸਰੀ ਨਿਊਟਨ ਤੋਂ ਉਮੀਦਵਾਰ ਹਰਜੀਤ ਗਿੱਲ ਸ਼ਾਮਿਲ ਹੋਏ। ਇਸ ਮੌਕੇ ਦੋਨੋ ਉਮੀਦਵਾਰਾਂ ਨੇ ਆਪਣੇ ਪਿਛੋਕੜ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਅਤੇ ਆਪਣੀਆਂ ਯੋਜਨਾਵਾਂ ਤੋਂ ਜਾਣੂ ਕਰਵਾਇਆ। ਉਹਨਾਂ ਨੇ ਕਿਹਾ ਕਿ ਅਗਰ ਉਹ ਚੋਣ ਜਿੱਤਣ ਵਿੱਚ ਕਾਮਯਾਬ ਹੁੰਦੇ ਹਨ ਤਾਂ ਬੱਚਿਆਂ ਦੇ ਲਈ ਬਿਹਤਰ ਖੇਡ ਸਹੂਲਤਾਂ ਉੱਪਰ ਕੰਮ ਕਰਨਗੇ। ਸਰੀ ਦੀ ਆਬਾਦੀ ਪਿਛਲੇ ਸਮੇਂ ਵਿੱਚ ਕਈ ਗੁਣਾਂ ਵੱਧ ਗਈ ਹੈ,ਪਰ ਸਿਹਤ ਸਹੂਲਤਾਂ,ਰਿਹਾਇਸ਼,ਸਕੂਲ ਢਾਂਚਾ ਅਤੇ ਰੋਜ਼ਗਾਰ ਦੇ ਸ੍ਰੋਤਾਂ ਵਿੱਚ ਕੋਈ ਤਬਦੀਲੀ ਨਹੀਂ ਹੋਈ।ਲਿਬਰਲ ਪਾਰਟੀ ਦੇ ਸ਼ਾਸਨ ਕਾਲ ਵਿੱਚ ਨਾਂ ਸਿਰਫ਼ ਨੌਕਰੀ ਪੇਸ਼ਾ ਲੋਕਾਂ ਬਲਕਿ ਛੋਟੇ ਕਾਰੋਬਾਰੀਆਂ ਦੇ ਲਈ ਵਪਾਰ ਕਰਨਾ ਵੀ ਮੁਸ਼ਕਿਲ ਹੋ ਗਿਆ ਹੈ।ਅਖਾੜੇ ਦੇ ਪ੍ਰਬੰਧਕਾਂ ਸ਼ਿੰਗਾਰਾ ਸਿੰਘ ਢੇਸੀ ਅਤੇ ਅਮਨ ਢਿੱਲੋਂ ਨੇ ਰਾਜਵੀਰ ਢਿੱਲੋਂ ਅਤੇ ਹਰਜੀਤ ਗਿੱਲ ਨੂੰ ਸਮਰਥਨ ਦਾ ਐਲ਼ਾਨ ਕੀਤਾ ਹੈ।
ਇਸ ਮੌਕੇ ਬਲਵੀਰ ਢੱਟ,ਤੇਗਜੋਤ ਬੱਲ,ਸੰਦੀਪ ਤੂਰ, ਰਿੱਕੀ ਬਾਜਵਾ,ਦੀਪ ਰੰਧਾਵਾ,ਪਰਮਿੰਦਰ ਚੌਹਾਨ,ਜਗਜੀਤ ਪਾਲ ਸੰਧੂ ਹਾਜ਼ਰ ਸਨ ।