ਸਰੀ- ਕੈਨੇਡਾ ਵਿੱਚ ਫੈਡਰਲ ਚੋਣਾਂ ਦੌਰਾਨ ਸਿਆਸੀ ਸਰਗਰਮੀਆਂ ਤੇਜ਼ ਹੋ ਗਈਆਂ ਹਨ । ਵੱਖ ਵੱਖ-ਵੱਖ ਪਾਰਟੀਆਂ ਦੇ ਉਮੀਦਵਾਰਾਂ ਵੱਲੋਂ ਆਪਣੀ ਜਿੱਤ ਯਕੀਨੀ ਬਣਾਉਣ ਲਈ ਵੋਟਰਾਂ ਤੱਕ ਸਿੱਧਾ ਸੰਪਰਕ ਕਾਇਮ ਕੀਤਾ ਜਾ ਰਿਹਾ ਹੈ । ਸਰੀ ਸੈਂਟਰ ਹਲਕੇ ਤੋਂ ਚੋਣ ਪਿੜ ਵਿੱਚ ਕੁੱਦੇ ਕੰਜ਼ਰਵੇਟਿਵ ਉਮੀਦਵਾਰ ਰਾਜਵੀਰ ਢਿੱਲੋਂ ਆਪਣੇ ਸਮਰਥਕਾਂ ਸਮੇਤ ਹਲਕੇ ਦੇ ਵੋਟਰਾਂ ਨਾਲ ਰਾਬਤਾ ਕਾਇਮ ਕਰਨ ਵਿੱਚ ਰੁੱਝੇ ਹੋਏ ਹਨ ।
ਬੀਤੇ ਦਿਨ ਰਾਜਵੀਰ ਢਿੱਲੋਂ ਨੇ ਜ਼ਮਾਤ ਦੀ ਲੀਡਰਸ਼ਿਪ ਨਾਲ “ਬੈਤੂਰ ਰਹਿਮਾਨ ਮਸਜ਼ਿਦ” ਵਿਖੇ ਮੁਲਾਕਾਤ ਕਰ ਕੇ ਸਮਰਥਨ ਦੀ ਮੰਗ ਕੀਤੀ।
ਮੀਟਿੰਗ ਦੌਰਾਨ ਭਾਈਚਾਰੇ ਦੇ ਨੁਮਾਇੰਦਿਆਂ ਨੇ ਵੱਖੋ ਵੱਖ ਨੁਕਤਿਆਂ ਉੱਪਰ ਆਪਣੇ ਵਿਚਾਰ ਸਾਂਝੇ ਕੀਤੇ।ਉਹਨਾਂ ਨੇ ਭਾਈਚਾਰੇ ਨੂੰ ਦਰਪੇਸ਼ ਸਮੱਸਿਆਵਾਂ ਬਾਰੇ ਵੀ ਜਾਣੂ ਕਰਵਾਇਆ। ਅਹਿਮਦੀਆ ਮੁਸਲਿਮ ਜਮਾਤ ਲੋਅਰ ਮੇਨਲੈਂਡ ਇਲਾਕੇ ਦਾ ਇਕ ਮਹੱਤਵਪੂਰਨ ਭਾਈਚਾਰਾ ਹੈ।
ਭਾਈਚਾਰੇ ਦੇ ਆਗੂਆਂ ਵਿੱਚੋਂ ਤਾਹਿਰ ਘੁੰਮਣ ਨੇ ਕਿਹਾ ਕਿ-ਭਾਈਚਾਰਾ ਕੈਨੇਡਾ ਵਿੱਚ ਬਦਲਾਅ ਵੇਖਣਾ ਚਾਹੁੰਦਾ ਹੈ। ਜ਼ਮਾਤ ਦੇ ਲੋਅਰ ਮੇਨਲੈਂਡ ਦੇ ਪ੍ਰਧਾਨ ਜ਼ਨਾਬ ਨਈਮ ਅਹਿਮਦ ਮਲਿਕ ਨੇ ਕਿਹਾ ਕਿ ਭਾਈਚਾਰੇ ਨੇ ਰਾਜਵੀਰ ਢਿੱਲੋਂ ਨੂੰ ਆਪਣਾ ਸਮਰਥਨ ਦੇਣ ਦਾ ਫੈਸਲਾ ਕੀਤਾ ਹੈ ਅਤੇ ਉਹ ਇਸ ਗੱਲ ਨੂੰ ਯਕੀਨੀ ਬਣਾਉਣਗੇ ਕਿ ਭਾਈਚਾਰੇ ਦਾ ਹਰ ਵੋਟਰ ਆਪਣੀ ਵੋਟ ਦਾ ਇਸਤੇਮਾਲ ਕਰੇ।
ਇਸ ਮੌਕੇ ਡੈਲਟਾ ਤੋ ਕੰਜ਼ਰਵੇਟਿਵ ਉਮੀਦਵਾਰ ਜੱਸੀ ਸਹੋਤਾ ਵੀ ਮੌਜੂਦ ਸਨ। ਅਹਿਮਦੀਆ ਜਮਾਤ ਵੱਲੋਂ ਦੋਹਾਂ ਉਮੀਦਵਾਰਾਂ ਦੇ ਸਮਰਥਨ ਦਾ ਐਲਾਨ ਕੀਤਾ ਗਿਆ ।