ਪੰਜਾਬ ਵਿੱਚ ਚੋਣ ਅਮਲ ਸਫਲਤਾ ਪੂਰਵਕ ਨੇਪਰੇ ਚੜ੍ਹਿਆ, ਬਠਿੰਡੇ ਵਾਲਿਆਂ ਨੇ ਮਾਰੀ ਬਾਜ਼ੀ !

ਚੰਡੀਗੜ੍ਹ – ਪੰਜਾਬ ਵਿੱਚ ਵੋਟਾਂ ਪੈਣ ਦਾ ਅਮਲ ਸਫਲਤਾ ਪੂਰਵਕ ਨੇਪਰੇ ਚੜ ਗਿਆ ਹੈ।ਭਾਰਤ ਵਿੱਚ ਲੋਕ ਸਭਾ ਚੋਣਾਂ 2024 ਦੀਆਂ ਸੱਤਵੇਂ ਗੇੜ ਦੀਆਂ ਵੋਟਾਂ ਪੈਣ ਨਾਲ ਦੇਸ਼ ਦੀਆਂ 543 ਲੋਕ ਸਭਾ ਸੀਟਾਂ ਲਈ ਮਤਦਾਨ ਮੁਕੰਮਲ ਹੋ ਗਿਆ ਹੈ।ਦੇਸ਼ ਭਰ ਵਿੱਚ ਕੁੱਲ 59.45 ਫ਼ੀਸਦੀ ਵੋਟਿੰਗ ਰਹੀ ਹੈ। ਪੰਜਾਬ ਵਿੱਚ 55.86 ਫ਼ੀਸਦੀ ਵੋਟਾਂ ਪਈਆਂ ਹਨ। ਪੰਜਾਬ ਵਿੱਚ ਸਭ ਤੋਂ ਵੱਧ ਵੋਟਾਂ ਬਠਿੰਡਾ ਵਿੱਚ ਪਈਆਂ ਜਿੱਥੇ 60.84 ਫ਼ੀਸਦ ਵੋਟਾਂ ਪਈਆਂ ਹਨ।ਸੂਬੇ ਵਿੱਚ ਸਭ ਤੋਂ ਘੱਟ ਵੋਟਾਂ ਅੰਮ੍ਰਿਤਸਰ ਵਿੱਚ 50.33 ਫ਼ੀਸਦ ਪਈਆਂ ਹਨ । ਚੋਣ ਕਮਿਸ਼ਨ ਮੁਤਾਬਕ ਪੰਜਾਬ ਦੇ 13 ਹਲਕਿਆਂ ਵਿੱਚ ਵੋਟ ਫੀਸਦੀ ਇਸ ਤਰਾਂ ਰਹੀਃ

ਅੰਮ੍ਰਿਤਸਰ – 50.33%

ਅਨੰਦਪੁਰ ਸਾਹਿਬ ਵਿੱਚ – 55.02%

ਬਠਿੰਡਾ – 60.84%

ਫਰੀਦਕੋਟ – 55.44%

ਫਤਿਹਗੜ੍ਹ ਸਾਹਿਬ – 54.55%

ਫ਼ਿਰੋਜ਼ਪੁਰ – 57.68%

ਗੁਰਦਾਸਪੁਰ – 58.56%

ਹੁਸ਼ਿਆਰਪੁਰ – 52.39%

ਜਲੰਧਰ – 53.66%

ਖਡੂਰ ਸਾਹਿਬ – 56.46%

ਲੁਧਿਆਣਾ – 52.88%

ਪਟਿਆਲਾ – 58.23%

ਸੰਗਰੂਰ – 57.21%

ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੂਬੇ ਵਿੱਚ ਮਤਦਾਨ ਪ੍ਰਕਿਰਿਆ ਅਮਨ ਪੂਰਵਕ ਨੇਪਰੇ ਚੜ੍ਹ ਜਾਣ ‘ਤੇ ਸਮੂਹ ਪੰਜਾਬੀਆਂ ਦਾ ਧੰਨਵਾਦ ਕੀਤਾ ਹੈ , “ਧੰਨਵਾਦ ਉਹਨਾਂ ਪੰਜਾਬੀਆਂ ਦਾ ਜਿਹਨਾਂ ਨੇ ਮੇਰੇ ਵਾਂਗੂੰ ਅੱਜ ਆਪਣੀ ਉਂਗਲ ‘ਤੇ ਇਹ ਨਿਸ਼ਾਨ ਲਵਾ ਕੇ ਲੋਕਤੰਤਰ ‘ਚ ਆਪਣਾ ਯੋਗਦਾਨ ਪਾਇਆ।ਇਹ ਵੋਟਰ ਕਾਰਡ ਸ਼ਹੀਦਾਂ ਨੇ ਆਪਣੇ ਖੂਨ ਦੀਆਂ ਬਲੀਆਂ ਦੇ ਕੇ ਦਿੱਤਾ ਸੀ,ਵੋਟ ਪਾਉਣ ਵਾਲੇ ਹਰ ਪੰਜਾਬੀ ਦਾ ਤਹਿ ਦਿਲੋਂ ਧੰਨਵਾਦ।”