ਅਮਰਜੀਤ ਕੌਰ ਸਾਹੋਕੇ ਦੇ ਚੋਣ ਮੈਦਾਨ ਵਿੱਚ ਨਿੱਤਰਣ ਤੇ ਵਿਰੋਧੀ ਪਾਰਟੀਆਂ ਹੋਈਆਂ ਸੋਚਣ ਲਈ ਮਜਬੂਰ !

ਅੱਜ ਜਨਮ ਦਿਨ ਮੌਕੇ ਮਿਲਿਆ ਟਿਕਟ ਦਾ ਵਿਸ਼ੇਸ਼ ਤੋਹਫ਼ਾ, ਕਿਸਮਤ ਤੇਜ ਦੀ ਹੈ ਨਿਸ਼ਾਨੀ ?

ਟੋਰਾਂਟੋ – ਕਾਂਗਰਸ ਵੱਲੋਂ ਲੋਕ ਸਭਾ ਹਲਕਾ ਫਰੀਦਕੋਟ ਤੋਂ ਮਹਿਲਾ ਉਮੀਦਵਾਰ ਨੂੰ ਟਿਕਟ ਦਿੱਤੀ ਗਈ ਹੈ । ਮਹਿਜ਼ 46 ਸਾਲ ਦੀ ਉਮਰ ਨੂੰ ਢੁੱਕੇ ਅਮਰਜੀਤ ਕੌਰ ਸਾਹੋਕੇ ਪੜੇ ਲਿਖੇ ਤੇ ਨੌਜਵਾਨ ਉਮੀਦਵਾਰ (ਪੋਸਟਗ੍ਰੈਜੂਏਸਨ) ਹਨ, ਲਗਪਗ 12 ਸਾਲ (ਸਾਲ 2001 ਤੋ 2013 ਤੱਕ) ਉੱਨਾਂ ਨੇ ਸਰਕਾਰੀ ਅਧਿਆਪਕ ਤੌਰ ਤੇ ਸੇਵਾਵਾਂ ਦਿੱਤੀਆਂ ਹਨ, ਜਿਕਰਯੋਗ ਹੈ ਕਿ ਉਹ 5 ਸਾਲ ਜਿਲਾ ਪ੍ਰੀਸ਼ਦ ਮੋਗਾ ਦੇ ਚੇਅਰਪ੍ਰਸਨ (ਸਾਲ 2013 ਤੋ 2018 ਤੱਕ) ਵੀ ਰਹਿ ਚੁੱਕੇ ਹਨ । ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਬੀਬੀ ਸਾਹੋਕੇ ਫਰੀਦਕੋਟ ਹਲਕੇ ਨਾਲ ਸਬੰਧਿਤ ਲੋਕਲ ਉਮੀਦਵਾਰ ਹਨ (ਪੇਕੇ ਫਰੀਦਕੋਟ, ਸਹੁਰੇ ਮੋਗਾ ਅਤੇ ਨਾਨਕੇ ਰੌਲੀ ਹਨ) ! ਇਹ ਚਰਚਾ ਆਮ ਹੀ ਹੈ ਕਿ ਬੀਬੀ ਸਾਹੋਕੇ ਦੇ ਚੋਣ ਮੈਦਾਨ ਵਿੱਚ ਆਉਣ ਨਾਲ ਸਾਰੇ ਸਿਆਸੀ ਸਮੀਕਰਨ ਹੀ ਬਦਲ ਗਏ ਹਨ। ਇੱਥੇ ਇਹ ਵੀ ਜਿਕਰਯੋਗ ਹੈ ਕਿ ਕਾਂਗਰਸ ਵੱਲੋਂ ਮੁਹੰਮਦ ਸਦੀਕ MP ਕਲਾਕਾਰ ਸਨ, ਭਾਜਪਾ ਤੇ ‘ਆਪ’ ਦੇ ਹੁਣ ਵਾਲੇ ਉਮੀਦਵਾਰ ਵੀ ਕਲਾਕਾਰ ਹਨ, ਲੋਕ ਵੱਖਰੀ ਗੱਲ ਭਾਲਦੇ ਸਨ ਜੋ ਕਾਂਗਰਸ ਨੇ ਸਾਬਤ ਕਰ ਦਿੱਤੀ ਹੈ। ਇੱਥੇ ਇਹ ਗੱਲ ਵੀ ਵਿਲੱਖਣ ਹੈ ਕਿ ਬੀਬੀ ਸਾਹੋਕੇ ਦਾ ਅੱਜ ਜਨਮ ਦਿਨ ਹੈ ਤੇ ਜਨਮ ਦਿਨ ਤੇ ਹੀ ਕਾਂਗਰਸ ਹਾਂਈਕਮਾਡ ਨੇ ਉੱਨਾਂ ਨੂੰ ਟਿਕਟ ਦੇ ਕੇ ਨਿਵਾਜਿਆ ਹੈ, ਕਿਸਮਤ ਤੇਜ ਜਾਪਦੀ ਹੈ !