ਸਰੀ ਵਿੱਚ ਪ੍ਰੀ ਸਕੂਲ ਰਜਿਸਟ੍ਰੇਸ਼ਨ ਸ਼ੁਰੂ !

ਸਰੀ, ਬੀ.ਸੀ. – ਸਿਟੀ ਆਫ਼ ਸਰੀ ਦੇ ਪ੍ਰੀ-ਸਕੂਲ ਅਤੇ ਗਰੁੱਪ ਚਾਈਲਡ ਕੇਅਰ ਪ੍ਰੋਗਰਾਮਾਂ ਲਈ ਰਜਿਸਟ੍ਰੇਸ਼ਨ  3 ਫਰਵਰੀ ਤੋਂ 5 ਫਰਵਰੀ ਤੱਕ ਖੁੱਲੀ ਰਹੇਗੀ। ਪਰਿਵਾਰ ਤਿੰਨ ਤੋਂ ਪੰਜ ਸਾਲ ਦੀ ਉਮਰ ਦੇ ਬੱਚਿਆਂ ਲਈ ਲਾਇਸੰਸ ਪ੍ਰਾਪਤ,ਖੇਡ-ਆਧਾਰਿਤ ਪ੍ਰੋਗਰਾਮਾਂ ਤੱਕ ਪਹੁੰਚ ਹਾਸਲ ਕਰ ਸਕਦੇ ਹਨ, ਜਿਸ ਵਿੱਚ ਸੂਬਾਈ ਸਾਂਝੇਦਾਰੀ ਤਹਿਤ ਸਿਰਫ਼ $10 ਪ੍ਰਤੀ ਦਿਨ ਵਾਲੀਆਂ ਸੀਟਾਂ ਵੀ ਸ਼ਾਮਲ ਹਨ। ਇਹ ਪ੍ਰੋਗਰਾਮ ਸਤੰਬਰ ਤੋਂ ਜੂਨ ਤੱਕ ਸ਼ਹਿਰ ਭਰ ਦੀਆਂ ਰਿਕ੍ਰੀਏਸ਼ਨ ਸੁਵਿਧਾਵਾਂ ਵਿੱਚ ਚਲਾਏ ਜਾਣਗੇ ਅਤੇ ਪਰਿਵਾਰਾਂ ਦੀਆਂ ਲੋੜਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਲਚਕੀਲੇ ਸਮਾਂ-ਸਾਰਨੀ ਵਿਕਲਪ ਉਪਲਬਧ ਹੋਣਗੇ।

ਮੇਅਰ ਬਰੈਂਡਾ ਲੌਕ ਨੇ ਕਿਹਾ , “ਅਸੀਂ ਜਾਣਦੇ ਹਾਂ ਕਿ ਪਰਿਵਾਰਾਂ ਲਈ ਸਸਤੀ ਚਾਈਲਡ ਕੇਅਰ ਲੱਭਣਾ ਕਿੰਨਾ ਔਖਾ ਹੁੰਦਾ ਹੈ”। ਇਸ ਸੂਬਾਈ ਸਾਂਝੇਦਾਰੀ ਦੇ ਕਾਰਨ ਹੋਰ ਕਈ ਪਰਿਵਾਰ ਪ੍ਰੀ-ਸਕੂਲ ਤੱਕ ਪਹੁੰਚ ਸਕਣਗੇ ਅਤੇ ਉਨ੍ਹਾਂ ਨੂੰ ਬਿਨਾਂ ਦੇਰੀ ਦੇ ਜ਼ਰੂਰੀ ਦੇਖਭਾਲ ਮਿਲ ਸਕੇਗੀ ।”

ਸੂਬਾਈ ਫੰਡਿੰਗ ਕੈਨੇਡਾ-ਵਿਆਪਕ ਅਰਲੀ ਲਰਨਿੰਗ ਐਂਡ ਚਾਈਲਡ ਕੇਅਰ ਐਗਰੀਮੈਂਟ ਦੇ ਤਹਿਤ ਕਲੋਵਰਡੇਲ ਮਿੰਨੀ ਰੀਕ੍ਰੀਏਸ਼ਨ ਸੈਂਟਰ ਅਤੇ ਫਰੇਜ਼ਰ ਹਾਈਟਸ ਰੀਕ੍ਰੀਏਸ਼ਨ ਸੈਂਟਰ ਵਿੱਚ $10-ਪ੍ਰਤੀ-ਦਿਨ ਪ੍ਰੋਗਰਾਮਾਂ ਦਾ ਸਮਰਥਨ ਕਰਦੀ ਹੈ। ਸਿਟੀ ਆਫ਼ ਸੂਰੀ ਵੱਲੋਂ ਹੋਰ ਸ਼ਹਿਰੀ ਪ੍ਰੀਸਕੂਲ ਸਹੂਲਤਾਂ ਵਿੱਚ ਇਹ ਕਾਰਜਕ੍ਰਮ ਪੇਸ਼ ਕਰਨ ਲਈ ਇਸ ਸਮੇਂ 9 ਅਰਜ਼ੀਆਂ ਪ੍ਰਕਿਰਿਆ ਅਧੀਨ ਹਨ।

ਸਿਟੀ ਆਫ਼ ਸਰੀ ਦੇ ਪ੍ਰੀ-ਸਕੂਲ ਪ੍ਰੋਗਰਾਮਾਂ ਦੀ ਅਗਵਾਈ ਯੋਗਤਾ ਪ੍ਰਾਪਤ ਸ਼ੁਰੂਆਤੀ ਬਚਪਨ ਦੇ ਸਿੱਖਿਅਕ ਮਾਹਰਾਂ ਵੱਲੋਂ ਕੀਤੀ ਜਾਂਦੀ ਹੈ ਅਤੇ ਬੀ.ਸੀ. ਦੇ ਅਰਲੀ ਲਰਨਿੰਗ ਢਾਂਚੇ ਦੇ ਅਨੁਸਾਰ ਖੇਡ ਰਾਹੀਂ ਸਿੱਖਣ ’ਤੇ ਧਿਆਨ ਕੇਂਦਰਿਤ ਕਰਦੇ ਹਨ, ਤਾਂ ਜੋ ਬੱਚਿਆਂ ਲਈ ਕਿੰਡਰਗਾਰਟਨ ਵੱਲ ਸੁਚੱਜੀ ਤਬਦੀਲੀ ‘ਤੇ ਕੇਂਦਰਿਤ ਹੋ ਸਕੇ।

ਪਰਿਵਾਰ ਸਿਟੀ ਦੇ ਪ੍ਰੀ-ਸਕੂਲ ਪ੍ਰੋਗਰਾਮਾਂ, ਵਿੱਤੀ ਸਹਾਇਤਾ ਲਈ ਯੋਗਤਾ ਅਤੇ ਰਜਿਸਟ੍ਰੇਸ਼ਨ ਦੀ ਜਾਣਕਾਰੀ ਲਈ surrey.ca/preschool ’ਤੇ ਜਾ ਸਕਦੇ ਹਨ।