ਪੰਜਾਬ ਦੇ ਖਿਡਾਰੀਆਂ ਨਾਲ ਪੱਖਪਾਤ ਹੋਇਆ? ਪ੍ਰਗਟ ਸਿੰਘ ਦਾ ਦਰਦ ਇੱਕ ਵਾਰ ਫਿਰ ਛਲਕਿਆ

ਜਲੰਧਰ – ਪੰਜਾਬ ਦੇ ਖਿਡਾਰੀਆਂ ਨਾਲ ਹੋਏ ਕਥਿਤ ਵਿਤਕਰੇ ਨੂੰ ਲੈ ਕੇ ਇੱਕ ਵਾਰ ਫ਼ਿਰ ਪ੍ਰਗਟ ਸਿੰਘ ਦਾ ਦਰਦ ਛਲਕਿਆ ਹੈ। ਸਾਬਕਾ ੳਲੁੰਪੀਅਨ ਪ੍ਰਗਟ ਸਿੰਘ ਨੇ ਕਿਹਾ ਹੈ ਕਿ ਭਾਜਪਾ ਦੀ ਅਗਵਾਈ ਵਾਲੀ ਕੇਂਦਰ ਸਰਕਾਰ ਨੇ ਇੱਕ ਵਾਰ ਫਿਰ ਤੋਂ ਪੰਜਾਬ ਨਾਲ ਮਤਰੇਈ ਮਾਂ ਵਾਲਾ ਸਲੂਕ ਕੀਤਾ ਹੈ।

ਉਨ੍ਹਾਂ ਕਿਹਾ ਕਿ ਪੈਰਿਸ ਓਲੰਪਿਕ ਵਿੱਚ ਪੰਜਾਬ ਅਤੇ ਹਰਿਆਣਾ ਤੋਂ 48 ਐਥਲੀਟ ਭੇਜਣ ਦੇ ਬਾਵਜੂਦ ਭਾਰਤੀ ਖੇਡਾਂ ਦੇ ਕੇਂਦਰ ਨੂੰ ਕ੍ਰਮਵਾਰ 78 ਕਰੋੜ ਅਤੇ 66 ਕਰੋੜ ਰੁਪਏ ਦੀ ਰਾਸ਼ੀ ਮੁਹੱਈਆ ਕੀਤੀ ਗਈ ਜਦਕਿ 9 ਐਥਲੀਟ ਭੇਜਣ ਵਾਲੇ ਉੱਤਰ ਪ੍ਰਦੇਸ਼ ਅਤੇ ਗੁਜਰਾਤ ਨੂੰ 438 ਕਰੋੜ ਅਤੇ 426 ਕਰੋੜ ਰੁਪਏ ਦਿੱਤੇ।

ਪੰਜਾਬ ਦੇ ਖਿਡਾਰੀਆਂ ਨਾਲ ਹੋਏ ਇਸ ਕਥਿਤ ਵਿਤਕਰੇ ਬਾਰੇ ਬੋਲਦਿਆਂ ਜਲੰਧਰ ਛਾਉਣੀ ਦੇ ਵਿਧਾੲਕ ਪ੍ਰਗਟ ਸਿੰਘ ਨੇ ਸੁਆਲ ਖੜ੍ਹੇ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ਕੀ ਇਹ ਕਾਣੀ ਵੰਡ ਨਹੀਂ? ਆਖ਼ਿਰ ਕਦੋਂ ਤੱਕ ਭਾਜਪਾ ਸੂਬਿਆਂ ਨਾਲ ਇਸ ਤਰ੍ਹਾਂ ਦਾ ਵਖਰੇਂਵਾ ਕਰਦੀ ਰਹੇਗੀ?

ਚੇਤੇ ਰਹੇ ਪ੍ਰਧਿੱਧ ਹਾਕੀ ਖਿਡਾਰੀ ਅਤੇ ਕਾਂਗਰਸੀ ਆਗੂ ਪ੍ਰਗਟ ਸਿੰਘ ਸਮੇਂ ਸਮੇਂ ‘ਤੇ ਖਿਡਾਰੀਆਂ ਦੇ ਹੱਕ ਵਿੱਚ ਮੁੱਦੇ ਚੁੱਕਦੇ ਰਹਿਂਦੇ ਹਨ। ਉਨ੍ਹਾਂ ਪੈਰਿਸ ਉਲੰਪਿਕ ਵਿੱਚ ਮੈਡਲ ਜਿੱਤਣ ਵਾਲੇ ਨਿਸ਼ਾਨੇਬਾਜ਼ ਖਿਡਾਰੀਆਂ ਦੀ ਵੀ ਹੌਸਲਾਂ ਅਫ਼ਜ਼ਾਈ ਕੀਤੀ ਹੈ।