ਸਰੀ ‘ਚ ਮਰੀ ਪੰਜਾਬਣ, ਪੁਲਸ ਨੇ ਪਤੀ ਫੜ੍ਹਿਆ

ਸਰੀ – ਕੈਨੇਡਾ ਦੇ ਸਰੀ ਸ਼ਹਿਰ ਵਿੱਚ ਇੱਕ ਪੰਜਾਬਣ ਦੇ ਮਾਰੇ ਜਾਣ ਦੀ ਘਟਨਾਂ ਦੇ ਸੰਬੰਧ ਵਿੱਚ ਪੁਲਸ ਨੇ ਇੱਕ ਆਦਮੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਲੰਘੀ 26 ਅਪ੍ਰੈਲ ਨੂੰ ਸਰੀ ਦੀ 146 ਸਟਰੀਟ ਅਤੇ 76 ਐਵੇਨਿਊ ਦੇ ਨੇੜੇ ਇੱਕ ਘਰ ਵਿੱਚ ਮਾਰੀ ਗਈ ਔਰਤ ਦੀ ਪਛਾਣ 33 ਸਾਲਾ ਪਵਿੱਤਰਪ੍ਰੀਤ ਕੌਰ ਸਿੱਧੂ ਵਜੋਂ ਹੋਈ ਹੈ। ਕੱਲ਼੍ਹ ਇਸ ਮਾਮਲੇ ‘ਚ ਪੁਲਿਸ ਨੇ ਉਸਦੇ 39 ਸਾਲਾ ਪਤੀ ਨੂੰ ਹਿਰਾਸਤ ਵਿੱਚ ਲਿਆ ਹੈ। ਹਰਦੀਪ ਸਿੰਘ ਸਿੱਧੂ ਨੂੰ ਬਾਰਡਰ ਅਧਿਕਾਰੀਆਂ ਅਤੇ ਐਂਟੀ ਗੈਂਗ ਫੋਰਸ ਦੀ ਮਦਦ ਨਾਲ ਕਾਬੂ ਕੀਤਾ ਗਿਆ ਹੈ । ਤਫ਼ਤੀਸ਼ ਉਪਰੰਤ ਪੁਲਸ ਨੇ ਉਸ ‘ਤੇ ਦੂਜਾ ਦਰਜਾ ਕਤਲ ਦੇ ਇਲਜ਼ਾਮ ਆਇਦ ਕੀਤੇ ਹਨ।